SONONA/DEPRESSION

 

JE UNAJUA NINI MAANA,VISABABISHI NA DALILI ZA SONONA? 

Kiukweli hili limekuwa ni tatizo kubwa sana katika jamii ndio maana tumekuwa tukishuhudia majanga makubwa sana kama watu kujiua kwa vifo vya aibu kama kujinyonga watu kushindwa kuhimili mikiki ya maisha ya kila siku.

SONONA ni tatizo la afya ya akili linalojitokeza kwa hisia za huzuni, kukata tamaa, na kupoteza hamu au furaha katika shughuli za kila siku. Tatizo hili linawezaleta athari katika mawazo, hisia, tabia, na ustawi kwa ujumla. Hapa kuna maelezo kuhusu chanzo na dalili.

Chanzo cha SONONA:

👉Sababu za Kibaolojia: Kutokuwa sawa kwa kemikali za ubongo (neurotransmita) kama vile serotonini, norepinephrine, na dopamine kunaweza kuchangia sonona.lakni pia sababu za kurithi zinaweza kupelekea mtu kupata kisonona.

👉Mambo ya Kisaikolojia: Tabia fulani za kibinafsi, kutokujiamini, historia ya matukio au unyanyasaji, na upungufu wa ujuzi wa kukabiliana na matatizo kunaweza kuwafanya watu kuwa hatarini zaidi.

👉Sababu za Kimazingira: Mabadiliko makubwa katika maisha, kama kupoteza mtu wa karibu, matatizo ya kifedha, matatizo ya mahusiano, au msongo wa muda mrefu, yanaweza kusababisha sonona.

👉Matatizo ya kiafya: matatizo ya kiafya kama maumivu ya muda mrefu, matatizo ya tezi, kutokuwa sawa kwa homoni, au historia ya magonjwa mengine ya afya ya akili, zinaweza kuongeza hatari ya sonona.

 je, umekuwa na dalili kama hizi tajwa hapo chini?

👉Huzuni kwa muda murefu,kujisikia huna thamani, au kukata tamaa.

👉Kupoteza hamu au furaha katika shughuli ambazo hapo awali ulizipenda yaani kushuka kwa ufanisi kazini.

👉Mabadiliko katika hamu ya kula na uzito (kuongezeka au kupungua) hii kutofautiana kutoka mtu mpaka mtu kwani wengine hupelekea kukosa hamu ya chakula na wengine kula kupita kiasi.

👉Kupata shida kulala (kutokuwa na usingizi au kulala sana).

👉Uchovu na motisha kupungua.

👉Kupata shida katika kuzingatia, kufanya maamuzi, au kukumbuka mambo.

👉Hisia za kutokuwa na thamani, hatia, au kujilaumu.

👉Mawazo ya mara kwa mara juu ya kifo au kujiua.

👉kuwa na hali ya kusahau mara kwa mara 

👉Dalili za mwili kama vile maumivu ya kichwa, maumivu ya tumbo, au maumivu ya muda mrefu.

itaendelea kuhusu matibabu yake 

Ushauri

Tatizo hili linasuluhisho ukihisi una baadhi ya hizo dalili tajwa hapo juu tafuta msaada wa wataalamu haraka sana kabla hujafikia hatua mbaya za kujiua na athari zingine

Kwa msaada  wasiliana na Ndamo Rehabilitation Solutions

Call us on +255748199113 

whatsap us on +255629199113

Tunapatikana: Mwanza-Mecco Majanini